Ministrja në detyrë e Drejtësisë, Albulena Haxhiu, ka thënë se Gjykata Themelore në Prishtinë ka refuzuar një masë të sigurisë lidhur me procesin e noterisë.
“Në ditët e para si Ministre, procesin e noterisë i cili ishte përcjellur me shumë shkelje, e kam anuluar. Pas kësaj, vendimi i njëjtë ishte kontestuar në Gjykatën Themelore nga disa kandidatë. Shumë prej tyre ishin të nxitur nga ish Ministri i Drejtësisë”, është shprehur ajo përmes Facebook.
“Sot, kuptova që Gjykata, departamenti administrativ, ka refuzuar një kërkesë për masë të sigurisë, gjë që e vlerësoj”.
“Anulimi i këtij procesi nuk ishte hakmarrje ndaj askujt por veprim i duhur për kthim të ligjshmërisë”.