Një aksion “simbolik” me fishkëllima e hedhje fletësh në drejtim të kryeministrit Avdullah Hoti, ka ndërprerë për pak minuta diskutimin për dialogun, organizuar nga KDI-ja, raporton Ekonomia Online.
Natyra Kuçi dhe Teutë Rrusta, anëtare të Partisë Soacialdemokrate (PSD) kanë hedhur fletushka dhe me anë të bilbilave ia kanë ndërprerë fjalën kryeministrit Hoti, duke e akuzuar se nuk po ndërmerr asgjë për të mbrojtur gratë.
“As edhe një fjalë të vetme për dhunën ndaj grave nuk po e thoni. Gratë po rrezikohen në shtëpitë e tyre nga burrat. Çdo ditë po vritet nga një grua”, ka thënë aktivistja Rrusta.
“Nuk e gjeni asnjë person tjetër që e mbron më me vendosmëri të drejtat e grave dhe femrave. A doni që të dëgjoni deklarata çdo dite nga unë apo veprime konkrete nga institucionet në këtë drejtim”, u shpreh Hoti.
“Nuk e keni gjetur njeriun e duhur për ta bërë këtë veprim, sepse jam ne anën e juaj”, shtoi ai.
“Nuk je në anën tonë, derisa çdo ditë po vritet nga një grua dhe nuk asnjë veprim konkret nga Qeveria”, ka replikuar Natyra Kuçi, e cila është zëdhënëse e PSD-së.
Aksioni vjen pas rasteve të shtuara të vrasjeve dhe dhunës ndaj grave.
LEXONI EDHE: