Fletarrestet e lëshuara nga Serbia janë të papranueshme të cilat nuk i kontribuojnë paqes dhe stabilitetit në rajon.

Kështu tha ministri i Punëve të Jashtme Enver Hoxhaj, në seancën e Kuvendit që po mbahet për liderin e AAK-së Ramush Haradinaj, i cili po vazhdon të mbahet në paraburgim nga autoritetet franceze, duke u bazuar në një fletarrest të Serbisë.

Hoxhaj tha se Franca vazhdon ta mbështesë Kosovën dhe se është e bindur se Serbia po keqpërdor Interpol-in në raport me Kosovën, raporton Ekonomia Online.