Kuvendi i Kosovës ka filluar seancën e paralajmëruar për orën 9:00, edhe pse paraprakisht kryeparlamentari Veseli paralajmëroi se për shkak të gjendjes së përkeqësuar, një deputete është dërguar në emergjencë andaj edhe do të presin deri sa të bëhet kuorumi, raporton Ekonomia Online.

Pak minuta pas këtij paralajmërimi, Veseli bëri të ditur se seanca mund të fillojë për shkak se në sallë ishin 61 deputetë.

Bëhet fjalë për deputeten Mexhide Mjaku-Topalli, e cila shumë shpejt e ka marrë veten dhe është kthyer në holl të Kuvendit.