Presidenti i Shqipërisë, Ilir Meta, ka uruar qytetarët e Kosovës, pas votimit të Parlamentit Evropian për liberalizim të vizave për Kosovën.
“Përshëndes vendimin e Parlamentit Europian për t’i hapur dritën jeshile liberalizimit të vizave për Kosovën! Mesazh i qartë i perspektivës së saj europiane,” shkruan Meta në Facebook.
LEXO Edhe: Parlamenti Evropian votoi pro liberalizimit të vizave për Kosovën
Ai e ka konsideruar si arritje të madhe të popullit dhe shtetit të Kosovës, raporton EkonomiaOnline.
“Shumë i gëzuar për këtë lajm të jashtëzakonshëm dhe arritje të madhe të popullit dhe të shtetit të Kosovës, që rritet dhe forcohet çdo ditë si faktor paqeje dhe stabiliteti në rajon!”