Kryetari i Aleancës Kosova e Re, Behgjet Pacolli, ka marrë pjesë në inaugurimin e presidentit të ri të Kenyas, William Smoei Ruto.

Këtë e ka bërë të ditur këshilltari i Pacollit, Jetlir Zyberaj.

“Bashkë me presidentin Behgjet Pacolli, morëm pjesë në inaugurimin e presidentit të ri të Kenyas William Samoei Ruto. Raportet miqësore me presidentin Ruto, patjetër që do të ndikojnë në fillimin e ndërtimit të marëdhënieve ndërshtetërore mes dy vendeve tona”, ka shkruar Zyberaj, derisa ka publikuar edhe disa pamje.

Se do të marrë pjesë në këtë inaugurim, ka treguar edhe vetë Pacolli.

“Me ftesë të mikut tim Ëilliam Ruto, po qendroj në Nairobi për të marrë pjesë në ceremoninë e inaugurimit të tij si president i këtij shteti të madh e të rëndësishëm të kontinentit afrikan. Ndër të tjera, në këtë ceremoni do të marrin pjesë numër i madh udhëheqësish nga e tërë bota. Po angazhohem që gjatë presidencës së Rutos, Kosova dhe Kenya ti ndërtojnë dhe fuqizojnë raportet e veta ndërshtetërore”, ka shkruar Pacolli.