Iu avancua mbesa në ministri, Kokaj: Kush punëson nga VV të afërm është armiku im

Prishtinë | 04 Qer 2021 | 19:41 | Nga Ekonomia Online

Deputeti i Lëvizjes Vetëvendosje, Jahja Kokaj, e ka kundërshtuar idenë se avancimi i mbesës së tij, Fadile Dyla, në Ministrinë e Arsimit në pozitën e u.d. sekretare është punësim partiak .

Kokaj, tutje është shprehur se “kush punëson të afërm nga VV’ja, është armiku im”, duke deklaruar se një ndër arsyet e anëtarësimit në VV është luftimi i korrupsionit.

“Nuk kam pasë kurrfarë ndërhyrje në punësimin e saj. Në qoftë se VV nuk e lufton korrupsionin, unë nuk do jem në asnjë parti. Në qoftë se e marr vesh se dikush nga VV punëson të afërm, ai është armik i imi”, ka deklaruar deputeti i VV’së në Kanal 10.

“Unë jam ai që jam angazhuar me mish e shpirt që të luftohet korrupsioni. Sa i përket mesës sime, Fadile Dyla, ajo është e punësuar në Ministri të Arsimit për më se 20 vite, prandaj unë e kuptova pak përpara. Unë me ju thanë të vërtetën, meqë në situatën e Covid, ne nuk kemi kontaktuar as me vëllain, as me Dilen (Fadile Dyla)”, është sqaruar tutje ai.

Gjatë ditës së është se mbesa e deputetit të VV-së është emëruar si u.d. sekretare në MASh. Ministrja e Arsimit, Shkencës, Teknologjisë dhe Inovacionit, Arbërie Nagavci e ka emëruar Dylajn në këtë pozitë më 25 maj.

Fjalë Kryesore:

Të ngjashme