Qeveria e Kosovës ka miratuar nismën për lidhjen e marrëveshjes në fushën e shëndetësisë ndërmjet Qeverisë së Kosovës dhe asaj të Japonisë.

Ministri i Shëndetësisë, Uran Ismaili, tha se Qeveria e Japonisë ka shprehur gatishmërinë të dhurojë 1 milion e 100 mijë euro grant për shëndetësinë në Kosovë.

“Ky grant do të përdoren për furnizimin me pajisje dhe mirëmbajtjen e tyre”, shpjegoi Ismaili, në mbledhjen e Qeverisë.

Ai kërkoi nga kabineti qeveritar që ta miratojnë këtë marrëveshje, në mënyrë që të realizohet thithja e këtij granti.

Qeveria e Kosovës mban mbledhjen e parë për vitin 2018 from Ekonomia Online on Vimeo.