Gazetari Baton Haxhiu ka thënë se javën e ardhshme do të formohet Qeveria e re dhe se Vetëvendosje do të mbetet në opozitë.
Madje, sipas tij, përveç Vetëvendosjes së Albin Kurtit, edhe Partia Demokratike e Kosovës do të jetë në opozitë.
“Javën e ardhshme do të ketë qeveri të re, do të ketë mandatar për formimin e Qeverisë, Albin Kurti do ta shikojë Qeverinë e re nga opozita, po ashtu dhe PDK do të jetë në opozitë”, tha Baton Haxhiu në T7.
Kujtojmë se Presidenti i vendit, Hashim Thaçi javën e kaluar ka zhvilluar konsulta me partitë politike në vend, rreth formimit të Qeverisë, pas shkarkimit të Albin Kurtit.
E partia e këtij të fundit, nuk e ka dorëzuar ende emrin e mandatarit si parti e parë, teksa po insiston se vendi duhet të shkojë në zgjedhje të reja.