Kadri Veseli fton liderët partiakë në tryezën e konsensusit

Prishtinë | 03 Maj 2018 | 15:13 | Nga

Kryetari i Partisë Demokratike të Kosovës, Kadri Veseli, u ka dërguar sot ftesë krerëve të partive politike, për një tryezë diskutimi që ka për qëllim arritjen e konsensusit politik për agjendën shtetërore të Republikës së Kosovës.

Takimi i thirrur nga kryetari Veseli do të mbahet ditën e martë në ora 13 në Kuvendin e Kosovës.

Në këtë tryezë, kryetari Veseli ka propozuar të diskutohet për çështjet më prioritare për shtetin, me theks të veçantë për:

Fazën përfundimtare të dialogut për normalizimin e marrëdhënieve Kosovë-Serbi;
Hartimin e Statutit për Asociacionin e Komunave me Shumicë Serbe;
Agjendën e Integrimeve Evropiane;
Formimin e Ushtrisë së Kosovës;
Reformën Zgjedhore.

Kryetari Veseli, ditë me parë, ka prezantuar edhe propozim-platformën për konsensus rreth këtyre temave.

Fjalë Kryesore:

Të ngjashme