Kandidatët e zyrtarizuar deri më tash nga PDK, LDK e AAK për kryetar komunash

Prishtinë | 01 Gus 2021 | 12:26 | Nga Ekonomia Online

Më 17 tetor, qytetarët e Kosovës do tu drejtohen kutive të votimit për të zgjedhur kryetarin e ardhshëm në komunat e tyre.

Pas shpalljes së datës së zgjedhjeve, partitë politike tashmë kanë nisur përgatitjet për këto zgjedhje, dhe kanë nisur me zyrtarizmin e kandidatëve për kryetar të komunave.

Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës, tashmë kanë bërë zyrtare disa nga kandidatët për kryetar të komunave, si dhe kanë filluar me përgatitjet për këto zgjedhje.

I vetmi subjekt që deri tash nuk ka zyrtarizuar asnjë kandidat për kryetar të komunave, mbetet Lëvizja Vetëvendosje. Ditë më parë nga kjo parti kanë deklaruar për Telegrafin se në qendrat e LVV-së nëpër komuna janë duke u mbajtur proceset e zgjedhjes së kandidatëve për kryetarë. Nga kjo parti deri tash janë përfolur disa emra si kandidatë për kryetar, por ende nuk është zyrtarizuar asgjë.

Për dallim nga LVV, partia më e madhe opozitare PDK deri tash ka zyrtarizuar dhjetë kandidat, ku prej tyre katër janë rikandiduar sërish.

Partia e dytë opozitare Lidhja Demokratike e Kosovës, deri më tani ka zyrtarizuar 19 kandidatë në mesin e tyre dy femra. Nga këta kandidatë, gjashtë prej tyre aktualisht janë kryetar komunash dhe të njëjtit janë rikandiduar sërish.

Zyrtarizmin e kandidatëve në disa komuna e ka bërë edhe Aleanca për Ardhmërinë e Kosovës. Nga kjo parti deri më tash janë bërë zyrtare kandidaturat e 15 kandidatëve.

Nga këta kandidatë gjashtë prej tyre kanë rikandiduar sërish duke kërkuar besimin e qytetarëve për të udhëhequr edhe për një mandat me komunat që aktualisht drejtojnë.

Telegrafi më poshtë ua sjellë kandidatët e zyrtarizuar deri më tash nga PDK, LDK dhe AAK si dhe kandidatët e përfolur nga LVV-ja:

Kandidatët e zyrtarizuar të PDK-së:

Uran Ismaili- Prishtinë

Bedri Hamza- Mitrovicë

Astrit Ademaj- Pejë

Besim Ilazi – Kaçanik

Naim Ismajli- Shtime

Ramiz Lladrovci- Drenas

Agim Aliu- Ferizaj

Shaqir Totaj- Prizren

Rrahim Tërnava- Fushë Kosovë

Sami Lushtaku- Skenderaj

Kandidatët e zyrtarizuar të LDK-së:

Përparim Rama- Prishtinë

Sibel Halimi- Ferizaj

Lutfi Haziri- Gjilan

Gazmend Muhaxheri- Pejë

Anton Quni- Prizren

Ekrem Hyseni- Podujevë

Ilir Ferati- Istog

Hyrie Dobrunaj- Deçan

Burim Karsniqi- Rahovec

Besim Hoti- Klinë

Bajrush Hoti- Malishevë

Bexhet Xheladini- Dragash

Jeton Biqkaj- Kamenicë

Ruzhdi Shehu- Junik

Ardian Shala- Suharekë

Imri Ahmeti- Lipjan

Burim Berisha- Fushë Kosovë

Sokol Haliti- Viti

Xhafer Tahiri- Vushtrri

Kandidatët e zyrtarizuar të AAK-së:

Daut Haradinaj- Prishtinë

Rrustem Berisha- Pejë

Ardian Gjini- Gjakovë

Besnik Tahiri- Podujevë

Bekë Berisha- Istog

Bashkim Ramosaj- Deçan

Agron Kuçi- Junik

Ali Krasniqi- Obiliq

Bali Muharremaj- Suharekë

Faton Jakupi- Kamenicë

Mensut Ademi- Vushtrri

Smajl Latifi- Rahovec

Zenun Elezaj- Klinë

Nazmi Gagica- Gjilan

Arben Halili- Ferizaj

Kandidatët e përfolur nga LVV-ja:

Arben Vitia e Liburn Aliu- Prishtinë

Mytaher Haskuka, Drita Millaku e Irfan Daullxhiu- Prizren

Gamend Agusholli e Gëzim Mekuli- Pejë

Agim Bahtiri, Fatmir Hasani, Armend Muja e Faton Peci- Mitrovicë

Alban Hyseni, Arbëreshkë Kryeziu-Hyseni e Nehat Osmani- Gjilan

Valon Ramadani- Ferizaj

Mimoza Kusari-Lila- Gjakovë

Ndryshe, zgjedhjet lokale do të mbahen me 17 tetor, ndërkohë subjektet politike kanë 30 ditë kohë për të bërë fushatë zgjedhore.

Sipas afateve të përcaktuara nga Komisioni Qendror i Zgjedhjeve, subjektet politike mund të certifikohen për pjesëmarrje në zgjedhje nga data 17 qershor deri më 16 gusht. /Telegrafi

Të ngjashme