Kandidati me të cilin po mburret Vetëvendosje

Kamenicë | 23 Tet 2017 | 19:02 | Nga

Krahasuar me zgjedhjet e përgjithshme të 11 qershorit kur doli partia e parë, Vetëvendosje në zgjedhjet e së dielës ka dalë shumë keq.

VV nuk e ka fituar asnjë komunë pa balotazh, madje as Prishtinën, të cilën e kishte.

Por, një kandidat i cili po konsiderohet si “befasia e këndshme” është Qëndron Kastrati, i cili ka dalë i pari në Kamenicë.

Komisioni Qendror Zgjedhor (KQZ) ka përfunduar numërimin e të gjitha vendvotime në këtë komunë dhe Kastrati i Vetëvendosjes ka marrë 33,33 për qind të votave.

Ai do të përballet në balotazhin që do të zhvillohet më 19 nëntor me Shaip Surdullin e LDK-së, i cili ka marrë 28,81 %.

Kastrati ka qenë shef i Grupit të Këshilltarëve të Vetëvendosjes në Kuvendin Komunal të Prishtinës.

Qëndroni, i cili është bir dëshmori, ka arritur të dalë i pari dhe me gjasa reale të fitojë më 19 nëntor, megjithëse partia e tij ka dalë e dyta në garën për Kuvend Komunal.

Sipas rezultateve, PDK-ja e cila ishte në pushtet, ka marrë vetëm 16,07 për qind; kurse kandidati Kujtim Gashi 15,30 për qind.

Image may contain: 2 people, people smiling, people standing, suit and indoor

Image may contain: 3 people, people smiling, people standing

Image may contain: 6 people, people smiling, crowd and suit

Image may contain: 5 people, people smiling, people sitting

Fjalë Kryesore:

Të ngjashme