Koalicioni Nisma-AKR-PD nuk ka arritur që të kalonte pragun zgjedhor që do t’i garantonte të paktën gjashtë ulëse në Kuvendin e Kosovës.
Ata kanë fituar vetëm 4,98 për qind të votave, duke qenë 133 vota mangut, shkruan Periskopi.
Por, kush do të ishin deputetët e kësaj partie nëse do t’i siguronte edhe 133 vota?
Kandidati më i votuar ishte Fatmir Limaj, i cili i mori 26 mijë e 14 vota. I dyti ishte Behgjet Pacolli i AKR-së që i mori 10 mijë e 525.
Endrit Shala mori 6 mijë e 819 vota në këto zgjedhje.
Dhe deputeti tjetër që do të siguronte votat do të ishte Haxhi Shala. Ndërkohë, ky koalicion do t’i kishte edhe dy deputete e të cilat do të ishin Mirlinda Sopi Krasniqi me 4 mijë e 79 vota dhe Albulena Balaj Halimi me njëzet vota më pak.