Konjufca takohet me ambasadorin e Francës, Olivier Guerot

Prishtinë | 04 Tet 2022 | 12:14 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Kuvendit të Republikës së Kosovës, Glauk Konjufca, ka pritur në takim ambasadorin e Francës, Olivier Guerot, raporton Ekonomia Online.

Me këtë rast, Konjufca  e ka uruar ambasadorin francez për marrjen e detyrës.

Kryetari Konjufca e ka falënderuar ambasadorin Guérot, për përkrahjen që Franca ka ofruar për Republikën e Kosovës në të gjitha proceset e shtet ndërtimit, zhvillimit dhe rrugëtimit drejt integrimeve evropiane.

Kryetari i Kuvendit tha se pret nga shteti francez mbështetjen e liberalizimit të vizave për qytetarët e Kosovës, meqë janë përmbushur tashmë të gjitha kriteret e kërkuara. E po ashtu edhe përkrahjen për anëtarësim në Këshillin e Evropës, BE, NATO dhe organizata tjera ndërkombëtare.

Konjufca dhe ambasadori Guérot konfirmuan përkushtimin dhe gatishmërinë për thellim të mëtutjeshëm të bashkëpunimit ndërmjet dy shteteve në sfera të interesit të përbashkët.

Lexo më shumë:

Të ngjashme