KQZ-ja gjobit dy parti me 2 mijë euro, çregjistron një tjetër

Prishtinë | 07 Qer 2019 | 14:01 | Nga Emine Shehu Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Komisioni Qendror i Zgjedhjeve (KQZ) ka gjobitur Lëvizjen për Drejtësi dhe Pogret Za Gora me mbi 2 mijë euro, raporton Ekonomia Online.

Valmira Selmani, ushtruese e detyrës së drejtoreshës ekzekutive për Regjistrim të Partive dhe Certifikim, ka rekomanduar që Lëvizja për Drejtësi të gjobitet me 1 000 euro, kurse Pogret Za Gora me 1 003 eur.

“Partia Lëvizja për Drejtësi e ka dërguar raportin me vonesë prandaj i rekomandohet komisionit t’i shqiptohet gjobë me 1000 euro e 90 centë”.

“Ndërsa partia Pokret Za Gora e ka vonuar për dhjetë ditë, prandaj ka gjobë me 1003 euro. Këto dy parti e kanë dorëzuar raportin me vonesë”.

Florian Dushi anëtar i KQZ-së, tha se këto subjektet politike për shkak se janë të vogla nuk kanë financa të mjaftueshëm.

“Është tepruar me shumën. I dimë subjektet politike që nuk marrin financim nga shteti së paku një kategorizim duhet me u bë sepse janë dy subjekte politike të vogla dhe gjobat janë tejet të larta për një raport që e kanë vonuar”.

Ndërkaq në emër të Këshillit për Çështje Ligjore, Dushi ka rekomanduar edhe çregjistrimin Srpska Narodna Partia Kosova.

“Çregjistrimin i një subjekti politik, partia SNPK. Ky subjekt ka marrë vendim për shuarjen e partisë dhe e ka njoftuar Zyrën për Çregjistrim dhe ka konstatuar se ka dy gjoba të papaguara në KQZ”.

KQZ-ja ndërkaq ka votuar për Besnik Buzhalën në pozitën e Zëvendës Kryeshef Ekzekutiv i SKQZ-së, kurse Yll Bulashkaj në pozitën e Drejtorit Ekzekutiv të ZRPP-së, raporton EO.

Afati i ankesave për këto pozita fillon nga sot dhe zgjatë 30 ditë.

Lexo më shumë:

Të ngjashme