Krasniqi: Pakti kundër korrupsionit veprim konkret i PDK-së, ta nënshkruajnë edhe partitë tjera

Prishtinë | 03 Sht 2019 | 14:24 | Nga Ekonomia Online

Nisma e Kadri Veselit për Paktin kundër korrupsionit është ndër hapat konkret që Partia Demokratike e Kosovës është duke ndërmarrë kundër dukurive negative në institucionet e vendit, kështu u shpreh nënkryetari i PDK-së Memli Krasniqi nëpërmjet një postim në Facebook, shkruan Ekonomia Online.

Krasniqi deklaroi se PDK-ja veç ka nisur ta bëj një gjë të tillë, andaj ai u bën thirrje edhe subjekteve tjera që ta nënshkruajnë nismën e Veselit.

Ky është postimi i plotë i Krasniqit në Facebook:   

Pakti Kundër Korrupsionit është vetëm një nga hapat konkret dhe shumë të rëndësishëm që Partia Demokratike e Kosovës dhe kryetari i saj, z. Kadri Veseli, po ndërmarrin në kauzën me të rëndësishme për vendin, në luftën kundër korrupsionit.

Lufta kundër korrupsionit për ne nuk është një betejë me fjalë, por siç e kemi dëshmuar dhe po e dëshmojnë, një angazhim serioz dhe me veprime konkrete.

Qytetarët tanë presin që të bëjmë ndryshime dhe të krijojmë standarde të reja etike në qeverisje. PDK tashmë po e bën këtë dhe presim që edhe subjektet e tjera të dëshmojnë të njëjtën gjë, duke nënshkruar këtë Pakt por edhe duke ndërmarrë veprimet që parasheh ky dokument.

Kjo nismë e re e jona do të ofrojë para qytetarëve lista të pastërta për deputetë, qeverisje pa njerëz që kanë probleme ligjore sa i përket korrupsionit dhe nepotizmit, si dhe hapa të tjerë që do të ndikojnë në përmirësimin e qeverisjes në vend dhe krijimin e një të ardhmeje më të mirë për të gjithë.

Fjalë Kryesore:

Të ngjashme