Krerët më të lartë të shtetit, presidentja Vjosa Osmani, kryparlamentari Glauk Konjufca e kryeministri Albin Kurti, kanë bërë homazhe te varri i ish-presidentit historik, Ibrahim Rugova dhe veprimtari të çështjes kombëtare, Adem Demaçit, për nder të 14 vjetorit të shpalljes së Pavarësisë së Kosovës, raporton Ekonomia Online.
Osmani, Kurti e Konjufca të shoqëruar nga ministra të kabinetit qeveritar kanë vendosur kurora lulesh teksa s’janë prononcuar për media.
Në mëngjes krerët e shtetit kanë bërë homazhe edhe tek kompleksi memorial “Adem Jashari” në Prekaz të Skenderajt.