Kryeministri Haradinaj priti në takim Lamberto Zannier

Prishtinë | 08 Nën 2017 | 16:33 | Nga

Kryeministri i Republikës së Kosovës, Ramush Haradinaj, priti në takim Komisionerin e Lartë të OSBE-së për pakicat kombëtare, Lamberto Zannier.

Gjatë takimit, kryeministri Haradinaj dhe komisioneri Zannier, biseduan për temat që kanë të bëjnë me bashkëpunimin rajonal, integrimin në shoqëri dhe avancimin e të drejtave të minoriteteve, përmes edukimit dhe rritjes së mirëqenies sociale.

Kryeministri Haradinaj theksoi se Kosova ka bërë hapa konkret dhe të qëndrueshëm në promovimin dhe avancimin e të drejtave të të gjitha minoriteteve, dhe integrimin e tyre në institucionet e Kosovës.

Komisioneri i Lartë i OSBE-së për pakicat kombëtare, Lamberto Zannier, vlerësoi dinamikën qeverisëse të kryeministrit Haradinaj në avancimin e proceseve të përgjithshme në Kosovë, veçanërisht me mirëintegrimin e të gjitha komuniteteve në Kosovë.

Fjalë Kryesore:

Të ngjashme