Kryeministri i Izraelit pritet t’i drejtohet me një mesazh popullit të Kosovës

Prishtinë | 15 Sht 2020 | 08:44 | Nga Ekonomia Online

Gati dy javë pas takimit dhe marrëveshjes së Washingtonit, në të cilën u përfshi edhe njohja mes Kosovës e Izraelit dhe vendosja e ambasadës së shtetit kosovar në Jerusalem, kryeministri Benjamin Netanyahu, do t’i drejtohet popullit të Kosovës me anë të një video-mesazhi.

Organizimi do të mbahet sot me rastin e “Rosh Hashanah”, festë e njohur si “Viti i ri Hebraik”.

Video-mesazhi i Netanyahut, për popullin e Kosovës dhe komunitetin hebraik në Kosovë, do të shfaqet në një ceremoni festive të Vitit të Ri Hebraik organizuar nga Kryerabinati i Shqipërisë.

Sipas agjendës së paraparë nga organizatorët, përveç video-mesazhit të Netanyahut, gjatë ceremonisë mund të ketë edhe një lidhje direkte me shefin e qeverisë izraelite, raporton klankosova.

Fjalë Kryesore:

Të ngjashme