Kryeparlamentari Veseli priti ministrin e jashtëm të Maltës, Karmelo Abela

Prishtinë | 06 Mar 2019 | 12:46 | Nga Ekonomia Online

Kryetari i Kuvendit të Kosovës, Kadri Veseli, priti sot në takim ministrin e jashtëm të Maltës, Karmelo Abela, i cili po qëndron për vizitë zyrtare në Kosovë.

Kryeparlamentari Veseli dhe shefi i diplomacisë së Maltës biseduan për raportet e mira që të dyja vendet kanë ndërtuar midis tyre, ndërsa u shtrua nevoja që ky bashkëpunim të thellohet edhe më tej në të gjitha nivelet.

Kreu i Kuvendit të Kosovës e njoftoi Abela edhe për zhvillimet aktuale në Kosovë, me punën në procesin e integrimit euro-atlantik, përpjekjet për njohje të reja dhe anëtarësim në një varg organizatash ndërkombëtare.

Kryediplomati i Maltës, Karmelo Abela, nga ana e tij, vizitën e tij në Kosovë dhe në Kuvendin e saj, e konsideroi një mundësi për të kontribuar më shumë në forcimin dhe avancimin e mëtejmë të marrëdhënieve midis kultivojnë midis tyre.

Abela vlerësoi lart hapat zhvillimorë që ka bërë Kosova në të gjithë fushat, ndërsa shprehu gatishmërinë e shtetit të tij për ta vazhduar mbështetjen për Kosovën edhe në të ardhmen.​

Fjalë Kryesore:

Të ngjashme