Kryetari i Kuvendit priti në takim përfaqësues të komunitetit turk

Prishtinë | 23 Pri 2021 | 14:49 | Nga Ekonomia Online

Ditës Ndërkombëtare të Turqve, kryetari i Kuvendit të Republikës së Kosovës, Glauk Konjufca, ka pritur sot, në takime të ndara, një delegacion të Partisë Demokratike Turke të Kosovës (KDTP), të prirë nga kryetari i kësaj partie dhe ministër i Zhvillimit Rajonal, Fikrim Damka, si dhe kryetarin e YTHP-së, Erkan Simitçi.

Kryetari i Kuvendit, Glauk konjufca ka uruar komunitetin turk për festën e tyre, duke i falënderuar për angazhimin e vazhdueshëm në kultivimin e marrëdhënieve ndëretnike, kontributin në ndërtimin dhe fuqizimin e institucioneve shtetërore, si dhe proceset nëpër të cilat po kalon Kosova.

Z.Konjufca, pasi vlerësoi rolin e komunitetit turk në forcimin e marrëdhënieve ndërmjet shtetit tonë dhe Turqisë, tha se Republika e Kosovës është shembull në rajon e më gjerë i garantimit dhe zbatimit të të drejtave të komuniteteve.

Nga ana e tyre, përfaqësuesit e komunitetit turk të Kosovës, pasi e uruan z.Konjufca për detyrën e re në krye të Kuvendit të Kosovës, shprehen gatishmërinë për vazhdimin e bashkëpunimit dhe kontributit të përbashkët drejt zhvillimit të gjithanshëm të vendit tonë.​

Fjalë Kryesore:

Të ngjashme