Kurti e Konjufca, kërkojnë drejtësi për rastin Dehari

Prishtinë | 06 Shk 2018 | 11:37 | Nga Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryetari i Lëvizjes Vetëvendosje, Albin Kurti së bashku me deputetin Glauk Konjufca kanë mbajtur konferencë për shtyp, ku kanë folur për rastin e aktivistit Astrit Dehari, raporton Ekonomia Online.

Kurti ka folur për rastin e Deharit, duke thënë se drejtësia në Kosovë ka dështuar që ta hetojë ashtu siç duhet rastin e dyshimtë të vdekjes së Astritit në burgun e Prizrenit.

Sipas tij premtimi i Qeverisë dhe kryeministrit për familjen Dehari, ishte që ta hetojnë dhe hulumtojnë gjithë procesin nëpër të cilin ka kaluar rasti i vdekjes së aktivistit të Vetëvendosjes.

Ndërsa Glauk Konjufca ka thënë se ata i’a kanë adresuar disa kërkesa Qeverisë së Kosovës por të cilat nuk janë aprovuar asnjëherë tash e 3 muaj.

“ Ne kemi kërkuar shkarkimin e Dhurata Hoxhës, ministres së atëhershme të drejtësisë. Po ashtu kemi kërkuar edhe dorëheqjen e Shpend Maxhunit dhe të Nexhmi Krasniqit, i cili është në krye të Policisë Rajonale të Prizrenit”, tha Konjufca.

Sipas tij kërkesa themelore e familjes Dehari është një hetim i karakterit ndërkombëtar, pasi që nuk kanë besim në drejtësinë kosovare e cila sipas tyre është e manipuluar dhe jo e pavarur.

 

Lexo më shumë:

Të ngjashme