Kurti pas Rezolutës: Shpejt u shtrinë!

Prishtinë | 16 Dhj 2018 | 11:22 | Nga Ekonomia Online

Pas miratimit të rezolutës për Dialog me Serbinë nga Kuvendi i Kosovës, ka reaguar kryetari i Vetëvendosjes Albin Kurti.

Përmes një statusi në rrjetin social Facebook, Kurti tha se ende pa u bërë gjashtë orë nga miratimi i ligjeve të të cilat e bënë Kosovën me Ministri të Mbrojtjes dhe me FSK të avancuar drejt ushtrisë, u mblodhën nënshkrimet për seancë urgjente për normalizim me Serbinë.

Më poshtë statusi i plotë i tij:

“U shtrinë

Ende pa u bërë gjashtë orë nga miratimi i tri ligjeve të cilat e bënë Kosovën me Ministri të Mbrojtjes dhe me FSK të avansuar drejt ushtrisë, u mblodhën nënshkrimet për seancë urgjente për normalizim me Serbinë. Punësimi e drejtësia, arsimi e shëndetësia, buxheti i ri për FSK-në, të gjitha këto presin, ama dialogu me Serbinë është çështje urgjente, thanë mbrëmë! Kush donte ta zvogëlonte entuziazmin popullor për ushtrinë në Kosovë? Paj, askush si Serbia. Ishte çështje urgjente kjo. Andaj shpejt u shtrinë”.

Fjalë Kryesore:

Të ngjashme