Presidentja e Komisionit Evropian, Ursula von der Leyen, i ka dërguar një letër urimi kryeministrit të Kosovës, Albin Kurti.

Në letren e saj von der Leyen shkruan se dëshiron të shoh avancimin e Kosovës në rrugën e saj evropiane.

“Ne dëshirojmë që ta shohim avancimin më të shpejtë të Kosovës në rrugën e saj evropiane dhe do të vazhdojmë ta mbështesim progresin e arritur në reformat që i kërkon kjo”.

E para e Parlamentit Evropian thekson se duke e ditur rëndësinë që e ka liberalizimi i vizave për qytetarët e Kosovës, do të vazhdohet të avokohet për një vendim pozitiv për këtë proces.

“duke e njohur rëndësinë që e ka për qytetarët e Kosovës, ne do të vazhdojmë të avokojmë për një vendim pozitiv të BE-së për liberalizimin e vizave”.
Ajo shtoi se mezi pret që të punojë së bashku me kryeministrin e Kosovës, në avancimin e marrëdhënieve BE-Kosovë.

“Pres me padurim që të punojmë së bashku për avancimin e marrëdhënieve BE-Kosovë”, njofton Qeveria e Kosovës përcjell Klankosova.tv.

Njoftimi i plotë:

Kryeministri i Republikës së Kosovës, Albin Kurti, ka pranuar letër urimi nga Presidentja e Komisionit Evropian, znj. Ursula von der Leyen.

Në emër të Bashkimit Evropian, von der Leyen ia ka ritheksuar z. Kurti urimet më të përzemërta për emërimin kryeministër i Kosovës, siç edhe ia ka shprehur tashmë gjatë takimit në Bruksel, më 29 prill.

Shpresoj ta vazhdojmë bashkëpunimin dhe ju dëshiroj sukses në mandatin tuaj, ka shkruar ajo.

Presidentja von der Leyen ka thënë se perspektiva kredibile e Bashkimit Evropian për vendet e Ballkanit Perëndimor mbetet prioritet për Komisionin.

“Ne dëshirojmë që ta shohim avancimin më të shpejtë të Kosovës në rrugën e saj evropiane dhe do të vazhdojmë ta mbështesim progresin e arritur në reformat që i kërkon kjo”, ka shkruar ajo dhe ka shtuar se “duke e njohur rëndësinë që e ka për qytetarët e Kosovës, ne do të vazhdojmë të avokojmë për një vendim pozitiv të BE-së për liberalizimin e vizave”.

BE-ja, sipas von der Leyen, gjithashtu qëndron përkrah Kosovës dhe popullit të saj në luftën kundër pandemisë dhe mbështetjen e rimëkëmbjes ekonomike edhe nëpërmjet Planit për Ekonomi dhe Investime për vendet e Ballkanit Perëndimor, të miratuar në muajin tetor të vitit 2020.

Presidentja e Komisionit Evropian ka thënë se e mirëpret zotimin e kryeministrit Kurti për t’u angazhuar në mënyrë konstruktive në dialogun Beograd-Prishtinë, të lehtësuar nga BE.

Znj. Ursula von der Leyen ka thënë se është thelbësore që takimi tjetër i nivelit të lartë i dialogut të mund të zhvillohet sa më shpejt të jetë e mundur.

Kjo, sipas saj, është thelbësore për progres në rrugën përkatëse evropiane të Kosovës dhe Serbisë dhe për qytetarët tuaj.

“Pres me padurim që të punojmë së bashku për avancimin e marrëdhënieve BE-Kosovë”, ka përmbyllur letrën presidentja von der Leyen.