Kryeministri i Kosovës, Albin Kurti, në njëvjetorin e qeverisë, ka folur edhe për një ndër ministret e tija të përfolura për shumë gabime – ministren e Punëve të Jashtme, Donika Gërvalla.

Ka pasur raportim se Kurti ka kërkuar edhe dorëheqjen e saj. Por Kurti tha se me ministren Gërvalla ka raporte të shkëlqyera dhe nuk i ka shkuar asnjëherë ndërmend t’ia kërkojë dorëheqjen.

“As se kam kërkuar as nuk më shkon mendja ta kërkoj dorëheqjen e saj. Bashkëpunimin me të e kam shumë të afërt”.

“Unë e di që janë marrë shumë me ata flamurat në Twitterin e saj, por ajo ka bërë punë të madhe”.

“Jemi me fat që kemi këtë grua si kryediplomate”, u shpreh Kurti.