Përfaqësuesi Special i Bashkimit Evropian për Dialogun Kosovë – Serbi dhe çështje të tjera rajonale të Ballkanit Perëndimor Miroslav Lajçak, ka thënë se Kosova që moti ka përmbushur kriteret për liberalizim dhe sa tani mund të jetë momentumi i duhur që kjo të ndodhë, raporton Ekonomia Online.

Megjithatë, Lajçak ka përsëritur se ky vendim mbetet në duar të anëtarëve të BE-së.

Lajcak në konferencë për media tha se i kupton plotësisht kosovarët në këtë pjesë pasi që sipas tij kjo është mjaftë e ndjeshme.

Lajcak tha se Kosova kurrë nuk ka qenë më afër në këtë drejtim dhe asnjëherë më parë nuk është folur për këtë më shumë se tani.

“Ju kuptoj plotësisht se sa është e ndjeshmëri kjo, për Kosovën dhe e dimë që e meriton i keni përmbushur kriteret, plotësisht jam i vetëdijshëm se sa e rëndësishme është kjo për imazhin dhe kredibilitetin e BE. Kurrë nuk ka qenë e pritshme sa është tani. Javën e kaluar kur janë takuar, kanë folur se duhet të përfundohet me suksese. Vëmendja kurrë nuk ka qenë më e madhe”, tha Lajcak në konferencë për media.