Latifi: Kadri Veseli duhet të jetë kryeministër, të tjerët i kemi provuar

Prishtinë | 06 Gus 2019 | 10:38 | Nga Ekonomia Online

Këshilltari i Kadri Veselit, Blerim Latifi, ka thënë se vetëm kryetari i PDK-së ka mbetur për ta treguar veten si kryeministër dhe se të tjerët i kemi provuar në pushtet.

Latifi ka thënë se Albin Kurti i Vetëvendosjes, ka raporte të dyshimta me shtetin e Kosovës dhe për këtë arsye është i rrezikshëm si kryeministër.

“Thaçin e kemi provu. Isa Mustafën po ashtu. Edhe Fatmirin dhe Ramushin. Kurtit, për shkak të raportit të tij të dyshimtë me shtetin e Kosovës, është e rrezikshme t’i lihet në dorë posti më i rëndësishëm i shtetit, që është ai i kryeministrit”, ka shkruar Latifi në Facebook.

Postimi i plotë:

KUSH KRYEMINISTËR?

Thaçin e kemi provu. Isa Mustafën poashtu. Edhe Fatmirin dhe Ramushin. Kurtit, për shkak te raportit të tij të dyshimtë me shtetin e Kosovës, është e rrezikshme t’i lihet në dorë posti më i rëndësishëm i shtetit, që është ai i kryeministrit.

Mbetet vetëm Kadri Veseli për ta treguar veten si kryeministër!

Nisur nga fakti se e njoh tash e një kohë të gjatë, e them me bindje të plotë se ai do të jetë kryeministri më i mirë, nga gjithë të tjerët!

Mos mi harroni këto fjalë!

Sot unë po kërkoj që ta përkrahni, e ju nesër do të bindeni se përkrahja juaj ka qenë zgjedhja e duhur! Për ju dhe shtetin! 

Të ngjashme