LDK-ja emëron Hotin shef të deputetëve, VV-ja ende s’ka propozim

Prishtinë | 20 Jan 2020 | 17:28 | Nga Ekonomia Online

Partia që po tenton krijimin e qeverisë së re ende nuk e ka emëruar shefin e grupit parlamentar, raporton Express.

LV-ja nuk ka propozuar ndonjë emër që do të jetë shef i deputetëve në legjislaturën e shtatë të Kuvendit të Kosovës.

Në anën e LV-së, shef i deputetëve në mandatin e kaluar ishte Glauk Konjufca që tashmë është emëruar kryeparlamentar.

Në krye të deputetëve të LDK-së ndërkaq është bërë e ditur se është emëruar Avdullah Hoti, një nga emërat më të folur në krye të ndonjë ministrie.

PDK ndërkaq ka emëruar kryetar të grupit parlamentar, Bedri Hamzën, ndërkaq, Lista Serbe, Igor Simiqin.

Grupi parlamentar multientik kryesohet nga deputeti Albert Kinolli.

Të ngjashme