Lekaj për Vetëvendosjen: Po e rrezikojnë stabilitetin e vendit

Prishtinë | 08 Jan 2020 | 14:40 | Nga Ekonomia Online

Partia fituese e zgjedhjeve të 6 tetorit, Lëvizja Vetëvendosje ende nuk ka arritur të bëjë një marrëveshje për bashkëqeverisje me Lidhjen Demokratike të Kosovës, ani pse këto dy parti deri tani kanë zhvilluar një sërë takimesh.

Siç kanë deklaruar në media përfaqësuesit e LVV-së dhe LDK-së, këto parti kanë arritur pajtueshmëri për programin qeverisës, mirëpo bisedimet kanë ngecur tek ndarja e përgjegjësive dhe posteve.

E, gjithë kjo situatë po shihet shqetësuese nga deputetët e partive opozitare.

Pal Lekaj deputet i zgjedhur i AAK-së, ka thënë për Telegrafin se kjo situatë po e rrezikon stabilitetin e vendit.

“Konsideroj se kjo tregon një papjekuri politike të partisë fituese. Kështu si të papërgjegjshëm që po tregohen, po rrezikojnë stabilitetin e vendit, pikërisht në një kohë kur duhet të merren vendime të rëndësishme”, ka thënë Lekaj.

Lekaj gjithashtu kritikoi liderin e LVV-së, Albin Kurti.

“Kurti po sillet sikur të jetë fitues absolut i zgjedhjeve, duke i injoruar partnerët potencial, duke treguar një llastim politik”, ka thënë ai. 

Fjalë Kryesore:

Të ngjashme