Lista Serbe: Po i japim hapësirë shqiptarëve që të merren vesh

Prishtinë | 04 Gus 2017 | 12:49 | Nga

Lista Serbe në një kumtesë për media ka theksuar se “i jep hapësirë të partive shqiptare për të gjetur numrin e mjaftueshëm të votave për të vazhduar punën e Kuvendit të Kosovës”.

Kjo parti kësisoj ka shpjeguar mungesën nga seanca konstituive që u ndërpre të enjten, e që vazhdoi gjatë ditës së sotme për t`u ndërprerë sërish.

“Lista Serbe si parti me përgjegjësi politike dje tregoi se nuk duan të pengojnë formimin e institucioneve për zgjidhjen e problemeve të qytetarëve. Me mungesën e sotme tonën i japim hapësirë partive shqiptare për të siguruar numrin e mjaftueshëm të votave për të vazhduar punën e Parlamentit”

” Lista Serbe është e gatshme për t’u angazhuar në punën e institucioneve që luftojnë për një jetë më të mirë të qytetarëve, në këtë drejtim ne besojmë fuqishëm se të gjithë në ditët e ardhshme do të veprojnë me përgjegjësi dhe në përputhje me këtë proces, por edhe për qytetarët”, thuhet në deklaratën e kësaj partie, transmeton Klan Kosova.

Fjalë Kryesore:

Të ngjashme