Kryetari i degës së Lidhjes Demokratike të Kosovës në Gjilan, Lutfi Haziri do ta shpall sotkandidaturën e tij për kryetar të partisë nga komuna që drejton.

Lajmin e ka bërë të ditur Dega e LDK’së në këtë komunë, përmes një postimi në llogarinë zyrtare në Facebook.

“Ju njoftojmë se Kryetari i Degës së LDK’së në Gjilan, z. Lutfi Haziri, nesër (10 mars)  në ora 13:00, do ta shpallë zyrtarisht kandidaturën për Kryetar të LDK-së në nivel qendror.Ftoheni të merrni pjesë në konferencën për media të z. Lutfi Haziri, në selinë e LDK’së në Gjilan”, thuhet në njoftim.

Ndryshe, Lidhja Demokratike e Kosovës ka konfirmuar tri kandidatura zyrtare për kryetar të partisë.