LVV, AAK dhe Nisma nuk i ndryshojnë listat me kandidatët për deputetë

Prishtinë | 30 Jan 2021 | 18:39 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Lëvizja Vetëvendosje, Aleanca për Ardhmërinë e Kosovës, Nisma Socialdemokrate dhe PDAK, nuk e kanë shfrytëzuar të drejtën për rirenditjen e listave të kandidatëve për deputet.

Yll Buleshkaj nga Zyra për regjistrimin e partive, tha se deri në orën 16:00 katër subjekte politike nuk i kanë rirenditur listat e tyre .

Sipas tij, subjektet politike janë Lëvizja Vetëvendosje, AAK, Nisma dhe PDAK.

Ai shtoi se në hapësirat në broshura ku mungojnë emrat do të hijezohen ato me qëllim që të evitohen gabimet nga qytetarët.

Vetëvendosje nuk i ka zëvendësuar dy kandidat për deputetë, Albin Kurtin, që mban numrin një dhe Albulena Haxhiun që mban numrin gjashtë.

Ndërkaq, Arianit Elshani, përfaqësues i PDK-së në KQZ, ka thënë se nëse në listat garuese lihen hapësira, aty ku kandidatët s’janë certifikuar, do të ketë probleme në numërimin e votave.

E ndaj Elshanit ka reaguar përfaqësuesi i LVV-së, Alim Rama, i cili e ka cilësuar si “tentim për të hutuar votuesit”.

Të ngjashme