Shoqëria civile marshon në kundërshtim të Projektligjit për Financimin e Subjekteve Politike

Prishtinë | 17 Qer 2019 | 10:10 | Nga Halide Rexhepi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Organizatat e shoqërisë civile po marshojnë në kundërshtim të Projektligjit për Financimin e Subjekteve Politike, raporton Ekonomia Online.

Marshi ka nisur nga sheshi “Skënderbeu”, dhe do të vazhdojë me ndalje te shkurtra në selitë e gjashtë partive më të mëdha parlamentare.

Ismet Kryeziu nga KDI, tha se ky projektligj dëmton shoqërinë dhe paranë publike.

Sipas tij, partitë politike me këtë i rregullojnë punët e tyre si është më së miri duke i ikur llogarisë ndaj qytetarit.

Marshuesit tashmë kanë vendosur 27 amendamentet që po i kundërshtojnë në dyert e selisë së Aleancës për Ardhmërinë e Kosovës në Prishtinë.

Kryeziu në emër të organizatave që po marshojnë, i bëri thirrje kryeministrit Ramush Haradinaj dhe deputetëve të AAK-së që mos ta votojnë këtë ligj.

Njëjtë vepruan edhe tek selia e Nismës Socialdemokrate, ku i bënë thirrje zv.kryeministrit Fatmir Limaj dhe deputetëve ta mos e votojnë këtë ligj.

Ky aktivitet zhvillohet në kuadër të fushatës së 100 organizatave të shoqërisë civile, për kundërshtimin e miratimit të Projektligjit për Financimin e Subjekteve Politike.

Ato vlerësojnë se Projekligji është në kundërshtim me frymën kushtetuese, cenon standardet ndërkombëtare për financimin e partive politike, e në veçanti rekomandimet e Komisionit të Venedikut.

LEXONI EDHE:

Të ngjashme