Matoshi: Gjuriq një fashist klasik, s’ka dialog me të

Prishtinë | 18 Mar 2019 | 19:20 | Nga Ekonomia Online

Këshilltari i kryeministrit, Halil Matoshi, ka reaguar pas deklaratës së Marko Gjuriq se në Reçak nuk ka pasur masakër.

Matoshi ka thënë se nuk duhet të ketë dialog me të duke e quajtur pasues të politikës së Sllobodan Millosheviqit.

Ai ka thënë se për këto deklarata të Gjuriqit do të duhej të reagojë edhe përfaqësues të BE-së.

Dialog me çiftin e Marko Djurić!?
Jo faleminderit!

Sipas mediave në Prishtinë, që citojnë B92 e Beogradit, një nga pasuesit e politikës së Milošecić-it, i ngarkuar me Kosovën në Qeverinë e Beogradit, Marko Djurić, në vend të kërkimfaljes shqiptarëve për tragjedinë e shkaktuar, mohon madje edhe masakrën e Reçakut, të cilën e ka konfirmuar Shefi i KDOM, (Mision Vëzhgues Diplomatik në Kosovë) William Walker.

Po ashtu neofashisti Djurić i ka mohuar edhe krimet tjera anë e kënd Kosovës.

Djurić duke akuzuar NATO-n për intervenimin ndaj Serbisë miloševićiane, për ta ndaluar përpjekjen gjenocidale ndaj shqiptarëve, injoron ndër tjera edhe vrasjen e 1370 fëmijëve nga 1-15 vjeç, dhunimin e rreth 20 mijë grave shqiptare dhe vrasjen e mbi 10 mijë civilëve, sipas Fondit Ndërkombëtar Humanitar me seli në Beograd, nga forcat serbe në Kosovë.

Që me kë u dashka të rikthehet në dialog pala kosovare!?

Që për kauzën e kujt po angazhohen disa çarqe brenda BE-së dhe Zonja Mogherini!?

Përfaqësuesja e Lartë e BE-së për Politikë të Jashtme, Federica Mogherini dhe tërë selia e BE në Bruxelles, do të duhej të tronditeshin nga kjo deklaratë në vend se ta fajësojnë Kosovën.

Thjesht Djurić është fashist klasik!

Ai i ka vrarë përsëdyti viktimat në Kosovë!?

Fjalë Kryesore:

Të ngjashme