Ministrja e Mjedisit dhe Planifikimit Hapësinor, Albena Reshitaj, nuk është shkarkuar nga posti i saj.
Kështu ka thënë për Ekonomia Online, Leutrim Sahiti, këshilltar i ministres.
“Lajmi për shkarkimin e Reshitajt nuk është i vërtetë”, tha Sahiti, nëpërmes telefonit.
Ky demantim vjen pasi disa media kishin raportuar që Reshitaj është shkarkuar për shkak të disa mosmarrëveshjeve për taskforcën e krijuar nga kryeministri Ramush Haradinaj për mjedisin.
Disa medie të tjera kanë raportuar se Reshitaj është shkarkuar nga partia e saj, AKR, pasi “po punëson njerëz të AAK-së” në ministrinë e saj.