Ministrja Gërvalla takon kryetarin e Bujanocit, Nagip Arifin

Prishtinë | 16 Dhj 2021 | 13:53 | Nga Ekonomia Online

Ministrja e Punëve të Jashtme e Kosovës, Donika Gërvalla sot ka vizituar Luginën e Preshevës, ndërkaq në takimin me kryetarin e Bujanocit, Nagip Arifi u shtrua problemi i pasivizimit të adresave të shqiptarëve.

Këtë e ka bërë të ditur kryetari i Bujanocit përmes një postimi në facebook ku ka shkruar se se u dakorduan që bashkëpunimi të vazhdojë edhe në të ardhmen deri në gjetjen e zgjidhjes së problemeve.

“Sot, kisha nderin që ta pres zëvendëskryeministren njëkohësisht Ministren e Punëve të Jashtme të Republikës së Kosovës znj. Donika Gërvalla.

Ministren Gërvalla e njoftova me gjendjen politike, sociale e ekonomike të qytetarëve tanë, si dhe diskriminimin e vazhdueshëm nga Qeveria qendrore në arsim, zhvillim ekonomik, shëndetësi, me theks të veçantë pasivizimin e adresave të shqiptarëve, si dhe mos njohja e diplomave të fituara në Universitetet e Republikës së Kosovës.

U dakorduam që bashkëpunimi jonë të vazhdojë edhe në të ardhmen deri në gjetjen e zgjidhjes së problemeve”, shkruan Arifi.

Fjalë Kryesore:

Të ngjashme