Mobilizim i LDK-së në Anamoravë në mbështetje të Vjosa Osmanit për kryeministre

Prishtinë | 18 Sht 2019 | 17:24 | Nga Ekonomia Online

Shtabet Zgjedhore të Lidhjes Demokratike të Kosovës në Anamoravë, përkatësisht në Gjilan, Viti, Kamenicë, Novobërdë, kanë mbajtur sot takim koordinues në selinë e partisë në Gjilan, nën udhëheqjen e kryetarit të Shtabit të Degës, Arben Mehmeti.

Në takim ka marrë pjesë kryetari i LDK-së në Viti, njëherit shef shtabi, Sokol Haliti, zëvendës shefi i Shtabit së Kamenicës, Besnik Rudhani, shefi i Shtabit të LDK-së në Novobërdë, Bajrush Ymeri dhe kandidatët për deputetë, Valentina Bunjaku Rexhepi, Imet Rrahmani dhe Faton Bislimi.

Kryetarët e shtabeve të Lidhjes Demokratike në Anamoravë kanë theksuar unitetin dhe mobilzimin e madh në mbështetje të kandidates për kryeministre, Vjosa Osmani dhe ekipit të madh, njofton Dega e Lidhjes Demokratike të Kosovës në Gjilan.

Ata thanë se fitorja e LDK-së është fitore për të gjithë, pavarësisht bindjeve politike të qytetarëve kudo në Kosovë.

Të ngjashme