Molliqaj për 11 milionë euro për rrymën e serbëve: Kurti në avazin e qeverive të mëparshme

Prishtinë | 28 Pri 2021 | 18:17 | Nga Ekonomia Online

Kryetari i PSD-së, Dardan Molliqaj, tha kryeministri Albin Kurti po vazhdon në avazin e vjetër të qeverive, pasi ndau 11 milionë euro për të paguar rrymën në veri të Kosovës.

Molliqaj tha se Kurti po i praktikon të gjitha veprimet që dikur i konsideronte të padrejtë.

Postimi i plotë:

“Krejt dhe Drejt” si të çdo qeveri e mëparshme

Kurti është dorëzuar ende pa nisur. U proklamua ndryshim i madh. Prapa fasadës së këtij ndryshimi populist po qëndron i njëjti avaz i vjetër; shumicës po i faturohet në kurriz fatura e pakicës. Pabarazia nuk po sfidohet; veç ka gjetur artikulim të ri që e fsheh veten mjeshtërisht.

Në Komisionin për Ekonomi, Vetëvendosje votoi për ndarjen buxhetore prej 11 milion eurove për të paguar rrymën e papaguar në veri të Kosovës. Këtë dikur Kurti e konsideronte si padrejtë si. Sot vazhdon nën udhëheqjen e tij.

Një qasje e tillë është e padrejtë. Pagesa e rrymës për qytetarët në veri po paguhet nga taksat e qytetarëve që jetojnë dyfish më keq sesa qytetarët në veri.

Fillimisht, Vetëvendosje ishte plotësisht kundër pagesës së rrymës për veriun në fjalë. Ndërkohë, me veprimet e tyre, të dyja qeverisjet e VV-së e vazhduan avazin e njëjtë të qeverive të kaluara duke ofruar të paguajnë atë që qytetarët në veri nuk e bëjnë.

Të ngjashme