MSh ia huq në Twitter, “e furnizon Pfizerin me vaksina”

Prishtinë | 29 Maj 2021 | 11:54 | Nga Ekonomia Online

Përdorimi i Twitter-it po del goxha sfidues për institucionet e Kosovës.

Sidomos, pjesa kur duhet shkruar në gjuhën angleze. Tani është Ministria e Shëndetësisë, e cila lajmin e cilësuar si Amazing News lidhur me blerjen e 1.2 milionë vaksinave, e shoqëron me informatën e gabueshme.

Aty shkruan se “Kosova furnizon me 1.2 milion vaksina në me Pfizerin”.

Gabimi që bie edhe të pjesa se kush është furnizuesi, si edhe te paqartësitë në fjali, është vënë re menjëherë nga komentuesit.

Ndërkohë, shumë më i kujdesshëm ka qenë shefi i qeverisë, Albin Kurti. Ai e sqaron shumë mirë se kush është shitësi e kush blerësi në rastin e vaksinave.

Ditë më parë, ishte Ministria e Punëve të Jashtme, ajo që u kritikua me të madhe, pas publikimit me shumë gabime rreth zhvillimeve në Bjellorusi. Për këto gabime, ka kërkuar falje ministrja, Donika Gërvalla Schwartz.

Të ngjashme