Faton Abdullahu, këshilltar i kryeministrit Isa Mustafa ka thënë se ndërtimi i murit në veri të Mitrovicës për serbët atje është një hara-kiri politik. Muri në veri si harakiri politik

“Ky mur është veprim inatçor dhe averziv i disa njerëzve me mendësi regresive ndaj institucioneve të Kosovës, ndaj Qeverisë së Kosovës e cila është duke rrëzuar mure tash sa kohë, në çdo aspekt, por jo me forcën e buldozerëve, por me forcën e ofertës demokratike dhe ligjeve pozitive, në të cilën ka konsekuencë të pahezitueshme por edhe fleksibilitet pragmatik të cilat gjithsesi janë në koherencë dhe bashkëveprim me Bashkimin Evropian dhe SHBA-të”, ka shkruar ai në një postim në Facebook.