Deputetja e PDK-së, Ganimete Musliu, ka pasur kritika sa i përket Projektligjit për Arkivat Shtetërore, derisa ka thënë se 24 vjet arkivi nuk ka arritur të ngrisë nivelet në standarde të duhura.

“Me gjendjen në të cilën janë arkivat shtetërorë është e domosdoshme që ai që merr përgjegjësinë të dijë se çfarë do të bëjë me të sepse arkivat kanë mbetur jashtë procesit institucional. Sot e 24 vjet arkivi nuk ka arritur të ngrisë nivelet në standarde të duhura. Segmentet kryesore që paraqesin pengesë është një pjesë e kaluarës sonë. Sot janë vendosur edhe tri agjencione që ia ka ngushtuar punën arkivave shtetërore. Objektet ku janë të vendosura janë në gjendje të degradimit”, tha ajo.