Mustafa: Kosova nuk do të konsiderohet si vend i varfër

Prishtinë | 26 Nën 2016 | 14:21 | Nga

Kryeministri i Kosovës, Isa Mustafa, është shprehur optimist lidhur me zhvillimin e vendit në qeverisjen e tij.

Ai përmes një postimi në Facebook ka thënë se së shpejti, Kosova nuk do të konsiderohet as vend i varfër.

“Sot, jemi shtet sovran, me normën më të lartë të rritjes ekonomike në këtë pjesë të botës, me një dinamikë të shpejtë të uljes së papunësisë”, ka shkruar Mustafa.

Postimi i plotë i Isa Mustafës:

“Kohët po ndryshojnë.

Jo moti, identitetin tonë e krijuam si të persekutuar, të shtypur, të varfër e të papunë.

Sot, jemi shtet sovran, me normën më të lartë të rritjes ekonomike në këtë pjesë të botës, me një dinamikë të shpejtë të uljes së papunësisë.

Institucionet financiare ndërkombëtare po na porosisin të ngutemi të shfrytëzojmë fondet nga organizatat ndërkombëtare që financojnë vendet e varfëra, sepse së shpejti nuk do ta plotësojmë këtë kriter, Kosova nuk do të konsiderohet vend i varfër.

Një cilësim më pak në fjalorin tonë politik; një argument më shumë për pozitivizëm”. 

Fjalë Kryesore:

Të ngjashme