Ka nisur edhe një takim ndërmjet kryetarit të Lëvizjes Vetëvendosje, Albin Kurtit, dhe kryetarit të LDK-së, Isa Mustafa, raporton Ekonomia Online.
Para takimit kryetari i LDK-së, Isa Mustafa ka thënë se po shkojnë në takim për ta përfunduar marrëveshjen, po ka shtuar se nuk e din se kur do të përfundojë.
“Ne po shkojmë që ta përfundojmë marrëveshjen dhe jemi të vullnetshëm për këtë se kur do të përfundojë ne nuk e dimë. Për këtë arsye ne po shkojmë”, ka thënë Mustafa i cili ka qenë i shoqëruar nga nënkryetari i kësaj partie Lutfi Haziri.
Aty është parë të jetë edhe Vjosa Osmani.
Ky takim po mbahet në Kuvendin e Kosovës, teksa nga të dyja taboret kanë thënë se do të jetë i fundit.