Nagavci: Akuzat e Grenellit për VV-në dhe Kurtin tregojnë për mënyrën si ai negocion

Prishtinë | 09 Sht 2020 | 11:48 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Nënkryetarja e Kuvendit nga Lëvizja Vetëvendosje, Arbërie Nagavci ka thënë se akuzat e të dërguarit të posaçëm të Shtëpisë së Bardhë për dialogun Kosovë-Serbi, Richard Grenell tregon shumë për mënyrën se si ai negocion.

Sipas saj, ka qenë fat i mirë që Qeveria Kurti ka qenë në pozitë, për aq kohë sa të ndalonte ndarjen e Kosovës, raporton Ekonomia Online.

“Akuzat që në vazhdimësi i ka bërë zotëri Grenell nuk tregojnë asgjë për LVV-në as për zotëri Kurtin, ato tregojnë për mënyrën si negocion dhe partnerët që i dëshiron zotëri Grenell”.

“Ka qenë një fat i mirë që Qeveria Kurti ka qenë në pozitë, qoftë edhe për shkurt, por për aq kohë sa të ndalonte ndarjen e Kosovës. Duket se zotëri Grenell i pëlqen që të ketë negociator si zotëri Hoti dhe të tjerët që i bëjnë aminin për çdo kërkesë që ai e ka pa marrë parasysh cilat janë interesat e Republikës së Kosovës”.

Të ngjashme