Në ditë feste, Hoti viziton IKSHPK-në: Gjendja është e rëndë

Prishtinë | 31 Kor 2020 | 10:31 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri i vendit, Avdullah Hoti ka vizituar sot Institutin Kombëtar të Shëndetësisë Publike të Kosovës për të parë diskutuar me personelin mjekësor, ndërsa tha se gjendja me pandeminë COVID-19 është e rëndë.

Hoti i cili takoi drejtorin e Shërbimit Spitalor të Kosovës, Valbon Krasniqi, drejtoreshën e Klinikës Infektive, Lindita Berisha dhe drejtorin e IKSHPK-së, Naser Ramadani tha se e ka të qartë që personeli mjekësor është lodhur tash e gjashtë muaj duke u përballur me këtë situatë.

“Në këtë ditë feste jemi këtu për të treguar vlerësimin tonë për punën që po e bëjmë për të dëgjuar vlerësimet e tyre për situatën nëpër të cilën po kalojmë. Parashikimet për javët dhe muajt e ardhshëm dhe për përgatitje që ne duhet të bëjmë. Gjendja është e rëndë dhe duhet të falënderoj qytetarët që po i respektojnë masat. Është ditë feste por duhet që apeli që kam bërë si qeveri bashkë me të gjitha institucionet tjera dhe me akterët e tjerë të përfshirë në menaxhimin e kësaj situate kanë dhënë efekt dhe shpresoj që të vazhdojë kjo gjendje që njerëzit ti respektojnë masat dhe të jenë të vetëdijshëm sepse jeta është mbi të gjitha sepse vetëm kështu mund ta menaxhojmë këtë situatë”, shtoi Hoti

“Personeli mjekësor në këtë ditë feste janë në krye të detyrës, nuk mund ta lënë frontin… E di që janë lodhur tash e gjashtë muaj që përballen me këtë situatë…. Jam sot këtu për të treguar vlerësimin tonë për punën që po bëjnë, për të dëgjuar vlerësimin e tyre dhe parashikimet për javët dhe muajt e ardhshëm, për përgatitjet që ne duhet bërë”, tha Hoti.

Kryeministri më tej tha se gjendja është e rëndë dhe falënderoi qytetarët që sot po respektojnë masat, ku sipas tij duket se apeli i Qeverisë ka dhënë efekt.

Ai shprehu besimin që qytetarët të vazhdojnë t’i respektojnë masat edhe në ditët e ardhshme, pasi sipas tij, jeta është mbi të gjitha.

Hoti uroi qytetarët dhe mjekët, ku këta të fundit sipas tij edhe pse ditë feste nuk janë afër familjarëve të tyre.

“Kjo tash është mision kombëtar për t’i dalë ballë kësaj pandemie, duke rrezikuar jetën e tyre dhe familjarëve të tyre”, tha Hoti.

E Valbon Krasniqi ud i drejtorit të Shërbimit Spitalor të Kosovës, vizitat e institucioneve tona janë një motivim shtesë për punëtorët shëndetësor.

“Vizitat e institucioneve tona janë një motivim shtesë për ne punëtorët shëndetësor për të vazhduar edhe më tutje punën. Ne prezantuam situatën reale që e kemi për sa i përket aspektit Klinik të pacientëve lidhur me veprimet që i kemi marrë për të krijuar kapacitetet shtesë në shtretër për të trajtuar pacientët me Coronavirus si brenda klinikave poashtu edhe në spitalet rajonale. Poashtu edhe me veprimet që i kemi për të shtuar edhe numrin e stafit dhe personelit shëndetësor që janë duke trajtuar këta pacient. Poashtu njoftuam kryeministrin edhe me sfidat me të cilat po kalojmë përsa i përket menaxhimit klinik të rasteve dhe njëkohësisht vazhduam të kërkojmë mbështetjen e institucioneve qeveritare. Vetëm zbatimi i masave nga ana e qytetarëve do të na mundësojë punën neve më leht. Ai lut të gjithë qytetarët e Kosovës që të festojnë me anëtarët e ngushtë të familjes dhe të rrin në shtëpitë e tyre”, shtoi Krasniqi.

E drejtoresha e Klinikës Infektive, Lindita Berisha-Ajazaj, tregoi për gjendjen e pacientëve me COVID-19 në këtë klinikë.

“I kemi diskutuar të gjitha mundësitë sfidat me të cilat ballafaqohet stafi i Klinikës Infektive. Gjatë këtyre gjashtë muajve të cilët i garantuam që ne si Infektologë do të vazhdojmë edhe më tej punën. Gjendja e pacientëve të cilët po vijnë nga tereni janë në gjendje me manifestime klinike të rënda ku në disa raste edhe përkundër përpjekeve tona me terapi intenzive për fat të keq po përfundojmë me fatalitet. Prandaj i lus të gjithë qytetarët që ndihëm më të madhe na japin lidhur me respektimin e masave nga IKSHPK”, shtoi Ajazaj.


Lexo më shumë:

Të ngjashme