Kryetari i LDK-së Isa Mustafa ka thirrur në takim kryetarët e degëve në orën 14:30.

Kjo është konfirmuar për “Gazeta Blic” nga Safet Kamberi, kryetar i LDK-së Mitrovicë.

“Po është e vërtetë na ka thirr në orën 14:30 kryetari i partisë z.Mustafa. Temë e këtij takimi me gjasë do të jenë zhvillimet e fundit politike me theks të veçantë bisedimet për marrëveshjen bashkëqeverisës me VV-në. Në këtë takim z.Mustafa do të marrë opinionet e kryetarëve të degëve të LDK-së për mundësinë e bashkëqeverisjes me VV-në” ka thënë Kamberi.

Kurse sot nuk do të ketë takim në mes të Lëvizjes Vetëvendosje dhe Lidhjes Demokratike të Kosovës, këtë e ka bërë të ditur zëdhënësi për media i VV-së Arlind Manxhuka.

Manxhuka ka shkruar se sipas informacioneve që ka nga VV-ja nuk do të ketë takim me LDK-në.

“Shumë gazetarë po bëjnë pyetje se a ka takim sot mes VV-së dhe LDK-së.

Me informacionet që kemi nga strukturat e Lëvizjes nuk është planifikuar ndonjë takim për sot”.