Nënkryetari i LDK-së: Po spekulohet se katër deputetë të partisë sonë nuk e votojnë qeverinë e re, kjo nuk qëndron

Prishtinë | 27 Pri 2020 | 19:24 | Nga Ekonomia Online

Nënkryetari i Lidhjes Demokratike të Kosovës Lutfi Haziri, ka folur për formimin e koalicionit për formimin e qeverisë së re në mes të LDK-së, AAK-së dhe NISMA-s.

Haziri në emisionin Info Magazine në Klan Kosova tha se marrëveshja do të arrihet shumë shpejtë.

Sipas tij synimi është që qeveria të ndërtohet pa kushte.

“Marrëveshje do të arrihet shumë shpejtë. Bisedimet janë përfafru. Janë duke u ndërtuar me mirëbesim. Synim e kemi të mos ndërtohet me kushte, sepse do të jetë qeveri e një tranzicione politik me agjendë të vështirë “.

Numri dy i LDK-së ka folur edhe për emrat e mundshëm të ministrave nga radhët e partisë që ai përfaqëson.

Ai tha se këto emra janë spekulativ sepse në LDK nuk mund të imponohesh.

“I plasuat për të mos u bërë. Është një rregull i pashkruar në LDK që e nxjerrë emrin e vet për spekulime. Ne e dijmë mirë burimin spekulativ. Sipas kësaj që po e them unë LDK ka ndërtimin e një qeverie që presin qytetarët dhe jo një kastë ministrash. Ju e patë që disa munden të qëndrojnë 50 ditë në qeveri”.

Haziri foli edhe për synimet nga koaliconi i mundshëm.

Ai tha nuk qëndron lajmi që katër deputetë të Lidhjes Demokratike të Kosovës nuk do ta votojnë qeverinë e re.

“Qëllimi i LDK-së është ndërtimi i një Qeverie më partitë e tjera, pa PDK-në. Emrat janë të mirë, nuk po them që nuk janë të mirë, po ka edhe emra edhe më të mirë të atyre që do të munden me qenë në qenë në qeveri. Në LDK nuk mund të imponohesh “.

“Është spekulim se katër deputetë nuk do ta votojnë qeverinë, kjo nuk qëndron. Është interesant sepse opozita sepse e kanë përfaqësuesin e tyre presidentin, kryetarja e Kuvendit vjen nga një Qeveri e kaluar. Nuk është diskutuar formula e përfaqësimit për atë thashë se janë spekulime. Kemi votua z. Hoti që të marrë detyrën në plotni “.

Ai tha se LDK e sheh edhe AKR-në si partnerë për ekzekutivin e ri.

Të ngjashme