Mos uniteti u vërejt edhe në veprimet e liderëve gjatë ditës së sotme. Por, ata nuk janë unik në atë që po shihet si historike, fazën përfundimtare të dialogut. Shoqëria civile, po kërkon që kjo të ndryshoj, pasi që sipas tyre, tashmë dialogu ka filluar, vetëm ka një bazë tjetër.

Njohësit e çështjeve politike ne vend thonë se dialogu është rikthyer ne shtëpinë e bardhe por ende po vazhdon te ketë mungese te unitetit politik ne vend.

Violeta Haxholli nga Instituti Demokratik i Kosovës thotë se Presidenca dhe Qeveria e Kosovës nuk janë te mirë koordinuara mes vete për dialog dialogut.

“Nuk ka unitet institucional, dhe raportet mes krerëve institucional dhe spektrit politikë po shkojnë duke u përkeqësuar në vend se ato të përmirësoheshin, duke pasur parasysh situatën kritike në të cilën gjendet shteti i Kosovës, pra para një procesi që po quhet final”, deklaroi për RTV Dukagjinin, Violeta Haxholli.

Arber Fetahu, nga Grupi për Studime Juridike dhe Politike është i mendimit se qeveria duhet te krijoje unitet mes institucioneve si dhe te përfshije opozitën ne dialog, përcjell Telegrafi.

“Momentalisht kemi një trysni nga Qeveria të kemi një koordinim në këtë rast me presidentin, karshi temës së dialogut. Por, qeveria mendoj se duhet të jetë më pro aktive në përfshirjen e opozitës në vendimmarrje në dialog”, deklaroi Arber Fetahu.

E unitet të plotë rreth taksës, nuk ka as brenda koalicionit qeverisës, ndërkaq edhe opozita ndan mendime ndryshe për këtë masë, që faktori ndërkombëtar po kërkon të largohet.