Nikoliqi i shkruan presidentit Hollande: Franca e ka liruar një kriminel

Prishtinë | 27 Pri 2017 | 18:52 | Nga

Presidenti i Serbisë, Tomislav Nikoliq, i ka dërguar letër presidentit të Francës, Francois Hollande, ku i tha se lirimi i Ramush Haradinajt me vendim të Gjykatës së Colmarit, tregon se “edhe kësaj radhe politika po e mundë drejtësinë”.

Nikoliq, i tendosur nga vendimi i Gjykatës së Colmarit në Francë për lirimin e Ramush Haradinajt, i ka çuar letër Presidentit të Francës, Francois Hollande, në të cilën shpreh “shqetësimin e tij lidhur me lirimin e Haradinajt”, shkruan B92.

“Ne kemi kërkuar urdhrin e ekstradimit në bazë të dëshmive tona që i kemi ofruar, mirëpo tani jemi të tronditur thellësisht dhe për fat të keq, po shihet se nuk ka drejtësi për viktimat serbe. Gjykata e Colmarit e ka liruar sot një kriminel, dhe ky akt i autoriteteve franceze, mbetet i pandëshkuar”, ishte fillimi i letrës dërguar Presidentit francez.

Fjalë Kryesore:

Të ngjashme