Opozita, pa qëndrim për propozim-marrëveshjen e Qeverisë

Prishtinë | 17 Dhj 2018 | 08:43 | Nga Ekonomia Online

Qeveria e Kosovës ditë më parë ua ka paraqitur ambasadorëve të vendeve të QUINT-it si dhe shefes së Zyrës së Bashkimit Evropian në Kosovë draft-marrëveshjen gjithëpërfshirëse ligjërisht obligative për dialogun me Serbinë. Megjithatë, ndonëse ky propozim i Qeverisë për atë se çfarë duhet të përmbajë marrëveshja me Serbinë u është dërguar edhe subjekteve politike në vend, ato ende nuk kanë një qëndrim në lidhje me të. Edhe nëse do të ketë unitet të subjekteve politike në vend analistë politikë vlerësojnë se Serbia nuk do të pajtohet me këtë draft, shkruan sot gazeta “Zëri”.

Kryeministri i Kosovës, Ramush Haradinaj, ka thënë se në mbledhjen e radhës së Qeverisë do të prezantohet ky draft i marrëveshjes. Ai ka bërë të ditur se drafti përfshin të gjitha temat të cilat janë të rëndësishme për Kosovën dhe të cilat duhet të diskutohen në dialogun me Serbinë.

Shefi i delegacionit të Kosovës në dialogun teknik me Serbinë, Avni Arifi, në një prononcim dhënë gazetës “Zëri” ka thënë se drafti i propozuar nga Qeveria e Kosovës në lidhje me marrëveshjen mes Kosovës dhe Serbisë u është dërguar subjekteve politike në vend..

Fjalë Kryesore:

Të ngjashme